Ако Адам и Ева биле белци, тогаш од каде се црнците?
Адам и Ева не биле белци, туку нешто помеѓу белци, црнци и жoлти и сл. Тешко е да се одреди денес, ама ако ги измешаме црнците, белците, жолтите и сите други нијанси, би требало да се приближиме до бојата и карактеристиките што ги имале тие.
И белците и црниците и жолтите, сите сме од една раса – човекова. Разликите во ДНК помеѓу нас се тривијални. ДНК од кои било двајца луѓе на светов, општо земено, се разликуваат за само 0.1%[1]. Од овие 0.1% само 6.3%[2] (значи 0.0063%) можат да се поврзат со расни категории. Остатокот се варијации во “расата”.
Бојата на кожата зависи од пигментот меланин. Доколку го имаме во поголема количина ние сме поцрни, а доколку го имаме во помала количина ние сме побели, меѓутоа кај сите луѓе на планетава тоа е истиот пигмент – меланин. Ако воопшто немаме меланин, каков што е случајот кај албино, тогаш би имале бела или светло бела боја на кожата.
Оваа ситуација не важи само за бојата на кожата. Општо земено, која било карактеристика да ја споредуваме кај една група луѓе таа нема суштински да се разликува од истата карактеристика кај сите други луѓе, иако можеби надворешно таа разлика делува позабележително. На пример, очите на еден Азиец се разликуваат од типичните очи на еден Кавказец само поради тоа што содржат повеќе маснотии. И кај Азиецот и кај Кафказецот има маснотии, само кај едниот ги има повеќе, а кај другиот помалку.
Колку подрастично групирање ќе направите меѓу луѓето, толку поголема природна или вештачка селекција ќе настане меѓу гените во секоја група. Но тука се работи за генетика, а не за еволуција. Тука немаме создавање на нови информации во гените, туку само регрупирање и селектирање на веќе постоечките.
<
1. Schneider, J.A. et al. DNA variability of human genes. Mech. Ageing Dev 124, 17−25 (2003).
2. “Human DNA Sequences: More Variation and Less Race” by Jeffrey C. Long and Jie Li (Department of Human Genetics, University of Michigan) and Meghan E. Healy (Department of Anthropology, University of New Mexico).
Види исто и: “Genetic variation, classification and ‘race’” by Lynn B Jorde & Stephen P Wooding – Department of Human Genetics, University of Utah School of Medicine, Salt Lake City, Utah 84112, USA.