Осакатена наука

Првите компјутери се користеле најмногу за воени цели и првиот електромеханички, програмибилен и целосно автоматизиран дигитален компјутер (Z3) бил направен за време на Втората светска војна со примарна цел да го помогне германското воздухопловство. Интернетот и GPS системот биле иницирани, дизајнирани и првично развивани не од министерството за наука, туку од министерството за одбрана на САД со првична намена за воено-одбранбени цели, а дури потоа станале јавна употреба. Првата употреба на нуклеарната енергија не беше во нуклеарните централи, туку во Хирошима и Нагасаки. Да, засега повеќе ги уживаме благодетите од науката, отколку нејзините злоупотреби, но ако некогаш започнеме нуклеарна светска војна ќе зажалиме што сме го измислиле и тркалото.

Вербата и дава морални водилки на науката и од неа се очекува да ја корегира кога таа ќе залута во погрешен правец. Дури и од еден научник-атеист, иако не верува во Бог, се очекува да има верба во доброто, во хуманоста, да се грижи за природната средина и ресурси, да мисли и за следните генерации.

„Науката без вера е осакатена, а верата без наука е слепа.“ (Алберт Ајштајн)

Главниот предуслов

Со помош на науката можеме многу подобро да ја разбереме природата што не опкружува, редот и законитостите што владеат со неа и потоа истите да ги користиме за своја полза или, се разбира, за свое или меѓусебно уништување. Природните науки воопшто не би постоеле доколку луѓето не веруваа во една рационална вселена, во ред и законитост во природата. Тоа е главниот предуслов за воопшто да се започне со научно истражување. Инаку, која е поентата на самиот експеримент, ако не веруваме дека утре ќе важат истите закони, истите природни константи, ако однесувањето на системот, состојбата или движењето не може да се опише со некоја равенка на законитост? Ако пак веруваме дека природните закони настанале случајно, тогаш нив може и случајно да ги снема или случајно да се променат, да не важат исто секаде и сл. Во срцевината на сите природни науки е дека во Универзумот постои ред и законитост.

Оттука не е ни чудно што повеќето од основоположниците на природните науки (Исак Њутн, Јохан Кеплер, Роберт Бојл, Леондард Ојлер, Мајкл Фарадеј, Луј Пастер, Грегор Мендел, Лорд Келвин, браќата Рајт, Џејмс Максвел итн.) биле верници кои верувале дека природата е создадена од интелигентен Создател кој плански создал сè и поставил ред и законитост, а на човекот му е дадена таа привилегија да ја истражува и осознава.

„Запознавајќи ги Неговите дела, ќе Го запознаеме Него ( Господ ).“ (Роберт Бојл)

Во древни времиња, многу луѓе верувале дека со Месечината, Сонцето, другите ѕвезди, природните појави, плодноста и сл. управуваат некакви митски божества, секое со своите сопствени правила и закони. Сепак тоа не било случај со евреите (Јудеизмот) и подоцна со христијаните кои не верувале во овие божества, имале забрана да им се поклонуваат и верувале само во еден Бог кој поставил небесни и земни закони (природни закони) да управуваат со нив (Еремија 33:25, Јов 38:33, Библијата). Па така кога луѓето истражувајќи дознале што всушност се Сонцето, Месечината, другите ѕвезди и како тие се движат, митските божества почнале полека да исчезнуваат, а оние кои верувале во Создателот кој поставил природни закони во природата, се восхитувале на научните откритија и добивале инспирација за понатамошно истражување.

„Колку што повеќе ја проучувам природата, толку повеќе Му се восхитувам на делото на Создателот.“ (Луј Пастер)

Кога познатиот научник и основоположник на современата механика Исак Њутн го открил законот за гравитација, тој не рекол: „Аха, еве сега знам како планетите се движат, не ми треба Бог“. Не, туку тој ја напишал Philosophia Naturalis Principia Mathematica – една од најпознатите книги во историјата на науката, каде меѓу другото напишал:

„Најубавиот систем од Сонцето, планетите, кометите можел да произлезе само од намерата и власта на интелигентно Битие.“ (Исак Њутн)

А во друга прилика рекол:
„Атеизмот е бесмислен. Набљудувајќи го Сончевиот систем, гледам дека Земјата е поставена на оптимална оддалеченост од Сонцето, за да добива соодветна количина топлина и светлина. Ова не се случило случајно!” (Исак Њутн)

Границите на науката

Професорот д-р Џон Ленокс ја дава следнава илустрација:
Дајте му торта на некој хемичар и тој може да ви каже од што е направена, може да направи анализа и да ви каже точно од кои хемиски соединенија е составена тортата и кои се нивните својства. Но она што нема да може да ви каже е зошто сте ја направиле тората. Тој, анализирајќи ја тортата, не може да дознае дали на некој од вашите блиски му е роденден, или можеби правите годишнина, или можеби ете едноставно ве фатило криза за благо. Слично е и со Универзумот и животот. Науката не може да одговори на суштинските прашања кои си ги поставува човекот: Зошто постојам? Која е смислата на животот? Дали со смртта ќе престанам да постојам? Постои ли духовен свет?

Понатаму научниот метод е ограничен помеѓу микро и макро светот. Микроскопите не можат да набљудуваат екстремно мали честички, а телескопите бескрајно далечни галаксии.
Исто така научниот метод е ограничен и во донесување на теории за минати неповторливи настани, бидејќи може да ги набљудува само последиците од тие настани, но не може експериментално да ги повтори. А и кога би можел, тогаш би дал одговор само на прашањето како тоа би можело да биде, но не и дека така сигурно било. Тоа се хипотезите кои всушност претставуваат веројатни научни претпоставки. Затоа често пати постојат повеќе хипотези за еден ист настан/појава и останува на вербата на научниците да веруваат како би можело тоа да биде. Историјата на науката изобилува со примери каде своевремено уверливи научни теории денес изгледаат смешно, како на пример неделивиот атом, геоцентричниот систем на Птоломеј и Аристотел, етерот, апсолутноста на времето итн.

Идеолошка наука и слепа вера

Сепак, не секоја вера е разумна вера. Постојат верувања кои директно верниците ги насочуваат да го исклучат интелектот и разумот, да не им веруваат на сетилата и на здравата/разумната логика, им нудат некаква си „духовна логика“, создаваат догми кои се јасно спротивни на очигледните факти, поттикнуваат суеверија, празноверија, им забрануваат на верниците да бидат позитивно скептични, да поставуваат прашања за својата вера.

Добар пример за разумна вера е банката. Банката нема слепа вера кога ви доверува кредит и не верува слепо дека вие редовно ќе го исплаќате. Таа пред да ви даде кредит, прво ќе ви постави еден куп прашања, ќе провери каде работите, колку имот имате, дали имате редовни примања, дали редовно плаќате сметки итн. и дури потоа ќе ве определи за кредитоспособен и ќе ви даде кредит.

На сличен начин ние сакаме да ги поттикнеме студентите кон разумна верба, верба која поставува прашања, која не зема сè здраво за готово, која бара причини за да верува, верба која истражува, анализира, споредува, која е во согласност со разумот, со објективната наука. Токму затоа Секој Студент организира интерактивни групи за академско проучување на Светото Писмо (Библијата) каде студентите ја имаат привилегијата самите да истражуваат, да прашуваат, да бидат скептични, да испитуваат, да растат во познавањето на темелот на христијанската вера – Светото Писмо. Исус рекол дека најголемата заповед е да се љуби Бог со сето свое срце, душа, сила и разум (ев. Марко 12:30, Библијата).

Како слепата вера, така и идеолошката наука може да биде исто толку штетна, затоа што денес науката е културна моќ, еден вид авторитет меѓу луѓето и може да се злоупотреби за научна индоктринација. Науката не смее да биде заложник на идеологија или одредена филозофија. Денес, за жал, природните науки се заложници на филозофскиот натурализм. Филозофскиот натурализам тврди дека природата/материјалниот свет е сè што постои и дека априори не постојат Бог, духовен свет, натприродни појави, чуда и сл и дека сè што било, е и ќе биде, мора да се објасни единствено со помош на природните закони и никако поинаку. Ако не може да се објасни со овие закони, тогаш едноставно се вели „не знаеме зошто е така, ама во иднина ќе се најде објаснување“ и точка. Нема место за Бог и покрај тоа што тој е најдоброто објаснување за постоењето на Универзумот, дизајнот, редот и законитостите во природата, животот, дигиталната ДНК молекула итн. Од друга страна пак, историјата и општествените науки често знаат да бидат заложници на политичките интереси на различните држави и ние на балканот тоа најдобро го знаеме.

Погрешна битка

Еден од најголемите проповедници на атеизмот, Кристофер Хиченс (1949-2011), откако бил дијагностициран со рак и увидел дека прогнозите му се лоши, заминал кај христијанинот д-р Франсис Колинс како последна надеж да го проба неговиот нов третман со мапирање на геномот и селективно таргетирање на оштетената ДНК. Очигледно атеистот не само што ја признавал научната дејност на овој христијанин, туку и ја гледал како последна надеж. Д-р Франсис Колинс бил директор на националниот институт за истражување на човечкиот геном и е заслужен за неговото декодирање, што веројатно е најголемото научно откритие на минатиот век. Во тимот кој работел на тој проект биле неколку научници, меѓу кои едниот бил истакнат атеист (д-р Крег Вентер). Науката не ги спротиставила овие двајца со различни верски убедувања да работат на ист научен прокет, како што не ги спротиставува и другите верници и атеисти кои искрено и објективно се занимаваат со научна дејност. Спротиставеноста е на друго место. Таа не се наоѓа помеѓу науката и вербата, туку помеѓу различните светогледи. Таму лежи зајакот. Таму е битката.

Во античка Грција, генерално циркулирале два основни светогледи за универзумот. Првиот вели дека материјата и енергијата е сè што постои и сите работи и појави мора да се објаснат преку нив. Не постои трансцендентност, Бог, духовен свет и сл. Тоа е филозофскиот материјализам или натурализам. Така учеле Демокрит, Епикур, Лукрециј, Левкип итн. Вториот светоглед, пак, вели дека материјата и енергијата не се сè што постои и дека има нешто и над материјалниот свет. Тоа е натприродниот светоглед.
Филозофот Кит Вард (Keith Ward) го дава следново резиме: „Речиси сите големи класични филозофи, а особено Платон, Аристотел, Рене Декарт, Готфрид Лајбниц, Спиноза, Емануел Кант, Хегел, Џон Лок, Џорџ Беркли – го гледале потеклото на Универзумот во трансцеденталната реалност. Тие имале различни специфични идеи за оваа реалност и различни начини на кој и пристапувале, но сите биле согласни во тоа дека Универзумот не е објаснив сам по себе и дека бара некое објаснување над него (трансцедентно)“.

Овие два светогледи често се препукувале низ историјата, а се препукуваат и денес. Во секуларните земји и секуларното образование денес преовладува натуралистичкиот светоглед и покрај тоа што првите универзитети во светот биле основани од верници. Од првите 108 колеџи и универзитети во САД, 106 биле основани од христијани, вклучувајќи ги тука и познатите универзитети Харвард, Јеил, Принстон, потоа и универзитетите Пенсилванија, Колумбија итн.

Заклучокот, со кој ќе се сложат илјадници научници, професори, доктори по науки, нобеловци – верници, е дека нема спротиставеност помеѓу разумната верба и објективната и чесна наука. Тие одат рака под рака и имаат заедничка цел: осознавање на вистината и живеење подобар и поквалитетен живот. Вербата секогаш била и ќе биде дополнителен поттик на верникот да го истражува и да му се восхитува на делото на Божјите раце.

„Науката ги доближува луѓето до Бог.“ (Луј Пастер)

Колкава е (не)веројатноста?
Бактеријата (Carsonella ruddi^[1]) што го содржи најмалиот познат геном на светот содржи околу 160.000 парови нуклеотиди. (за споредба човечкиот геном има 3.2 милијарди). Која е веројатноста за случајно само од себе настанување на оваа низа од 160.000 парови нуклеотиди?
Нуклеотидната азбука на ДНК се состои од 4 нуклеотиди: A, G, C и T (или AGCU кај РНК) кои во спирален двојно верижен ланец се повторуваат во различен распоред (на пример, ACCTGTGA..).
Бројот на сите можни варијации при случајно спојување на овој ланец и создавањето на најмалиот познат геном е:

(Доколку вашиот калкулатор не подржува пресметки на толку големи броеви, можете да го користите сајтот: www.wolframalpha.com За операцијата степенување се користи следниов знак ^ Пример за горната пресметка пишете: 4^160000 )
Оттука веројатноста за случајното настанување на погодната варијација е:

Луѓето често на ова приговараат дека вселената е многу голема и дека веројатно има многу планети со слични услови како Земјата и милијарди години време за да се случи оваа погодна веројатност. Во ред, приговорот е на место. Ајде да видиме што велат бројките и колку големината на вселената и милијардите години можат да ја намалат оваа астрономска неверојатност.
За таа цел, ќе претпоставиме теоретско неверојатни услови во полза на случајното настанување на овој геном. Нема да претпоставуваме колку планети имаат вода или слични услови на Земјата, ниту ќе претпоставуваме дека сите планети во вселената се погодни за создавање на ДНК, туку ќе претпоставиме дека до секој поединечен атом во вселената биле собрани на купче сите потребни нуклеотиди за образување ДНК и дека од почетокот на Универзумот па до денес се случувале по 1000 варијации во секунда до секој поединечен атом со цел да го оформат најмалиот познат геном во светот. Па да видиме колку ова сценарио ќе ја зголеми веројатноста за самонастанување на геномот.

Согласно Биг Бенг теоријата, од почетокот на Универзумот до сега се поминати околу 13 милијарди години или:

Вкупниот број на атоми во вселената се проценува околу:

Со едноставна математика веројатноста тоа да се случи по пат на ваквите рандом варијации и рекомбинирање би била:

Како што гледаме дури и овие неверојатни хипотетички услови и сценарија не можат значително да ја намалат огромната неверојатност за спонтаното настанување на најмалиот познат геном во светот. Слични астрономски неверојатности се добиваат и при пресметките за спонтано настанување на ензимите (види на овој линк). Треба ли да потсетиме дека клетката за да може да се прехранува, одржува и репродуцира, покрај геномот има потреба и од мембрана, рибозоми, митохондрии, ензими и други органели? Со други зборови, залудно ќе инсталирате оперативен систем на хард дискот, ако ги немате и останатите најосновни елементи на компјутерот.

Заклучок: И покрај сите фанатички обиди да се протне натуралистичката (атеистичка) хипотеза за спонтатно настанување на животот преку случајно комбинирање и сврзување на хемиските соединенија^[2], математичката веројатност недвосмислено потврдува дека таквиот настан е НЕВОЗМОЖЕН или пак бара фанатичка вера во случајноста, вера која ниту еден нормален атеист не ја практикува во секојдневниот живот.

1. Smallest Genome of Living Creature Discovered
2. Оваа хипотеза се нарекува абиогенеза и никогаш експериментално не била потврдена.

Овде ќе ја проанализираме САМО веројатноста на спонтаното настанување на ензимите, кои се само еден мал дел од високо комплексната микробиолошка фабрика – клетката. Еве кратко и јасно објаснување што се и како функционираат ензимите:

Ензимите се високо комплексни протеински структури кои дејствуваат како органски катализатори кои ги активираат или забрзуваат биохемиските акции и реакции. Во човечкото тело досега се пронајдени околу 2700 ензими, кои комбинирани со коензимите (витамини, минерали) формираат околу 100.000 различни хемикалии кои ни помагаат да гледаме, слушаме, чувствуваме, да ја дигестираме храната, да размислуваме, да ги уништиме вирусите итн. Секој орган, секое ткиво и секоја од 100 трилионите клетки во нашето тело зависи од ензимите и нивниот енергетски фактор. Процесот на исхрана, почнувајќи од устата, па се до клеточното ниво не може да се објасни без улогата на ензимите.
Секој ензим е дизајниран да работи со една и единствена органска материја која се нарекува супстрат. Ова се случува по принципот клуч-брава (принцип на совпаѓање). На пример кога ензимот лактаза (бравата) ќе дојде во допир со сахарозата, нема да предизвика никаква реакција, бидејќи тоа не е нејзиниот клуч. Ќе дојде во допир и со други шеќери, протеини, масти, но нема да има реакција. Но кога ќе дојде во допир со нејзиниот уникатен клуч – лактозата (што ја има во млечните производи), тогаш ќе ја разложи на нејзините прости шеќери – глукоза и галактоза, кои потоа телото може да ги метаболизира.
Со други зборови, не можете да имате странични ефекти од ензимите, бидејќи тие нема да реагираат со ништо друго освен со нивниот супстрат.
Едноставно животот е незамислив без ензимите. Индивидуите кои имаат недостаток на одредени ензими, се подлежни на физички проблеми, болести, дегенерации и сл.

Во човечкото тело до сега се пронајдени околу 2700 различни ензими. Типичен ензим се состои од синџир од 250-1000 амино киселини, наредени како бисери на ланче по точно одреден и уникатен редослед. Доколку овој редослед се измени, ензинот нема да си ја врши работата.

Според натуралистичката (атеистичка) хипотеза за постанокот на животот, првата жива клетка настанала со спонтано соединување и комбинирање на атомите, молекулите, хемиските соединенија итн.

Да претпоставиме дека сите потребни амино киселини биле веќе само-настанати и собрани на купче. Да претпоставиме дека сите потребни услови и енергии за комбинирање и формирање на врски биле присутни, некако магично се отстранувала водата за да можат да се поврзуваат амино киселините, UV зразите од Сонцето не пречеле, реакциите исто така некако магично се одвивале доволно брзо без катализаторски ензими итн.

Дури и при овие нереални услови, доколку земеме еден хипотетички минумим дека е можно да постои клетка која ќе функционира само со 36 ензими и овие ензими се состојат од само 200 амино киселини, тогаш веројатноста за спонтано настанување на еден ваков ензим ќе ја пресметаме на следниов начин.

Бидејќи 20 различни амино киселини (колку што има во живите организми), можат да варираат на 200 различни места и исто така тие можат да се повторуваат, станува збор за варијации со повторување кои лесно се пресметуваат со формулата:

(Доколку вашиот калкулатор не подржува пресметки на толку големи броеви, можете да го користите сајтот: www.wolframalpha.com За операцијата степенување се користи следниов знак: ^ Пример за горната пресметка пишете: 20^200 )  

А вкупниот број на варијации на амино киселините во сите 36 вакви ензими е:

Оттука веројатноста за случајното настанување на само овие 36 ензими е:

Колку е голем овој астрономски број: 10 на степен 9367 ? Тој број има 9367 нули. Доколку го напишете на тетратка со квадратчиња и во секое квадратче пишувате по една нула, тој број ќе биде долг 46.8 метри. Вкупниот број на атоми во Универзумот т.е. во сите галаксии видливи со најмоќните телескопи се проценува околу 10^80 (единица со 80 нули после неа).

Некој можеби ќе приговори: „Ама можеби има уште милијарда планети како нашата кои имаат услови за живот, аминокиселини, вода и се што е потребно?“ Во ред. Еве да претпоставиме дека не постојат милијарда, туку дека постојат буквално на секој атом од Универзумов по една планета идентична како нашата планета. Дали знаете колку тоа ќе ја зголеми веројатноста за случајно настанување на 36-те ензими? Еве:

Доколку дополнително претпоставиме дека постојат милијарди милијарди Универзуми како нашиов, кои исто така на секој нивен атом имаат по една планета иста како нашата, веројатноста за случајно настанување на 36-те горе спомнати ензими во тој случај би била (земете длабоко воздух):

Бреј ама се инаетливи овие астрономски броеви. Дели ги со милиони, милијарди, трилиони, никако да се намалат значително. Без разлика какви претпоставки ќе направиме, астрономскиот број ќе остане со 9000 нули или еве дури нека бидат и 8000 нули. Овде не станува збор за практична неверојатност, туку за теоретска неверојатност за случајно настанување на тие 36 хипотетички ензими, наспроти 2700-те ензими кои денес се наоѓаат во човековото тело и секој од нив си има уникатна и целисходна функција која е зависна од точната и уникатна подреденост на амино киселините во него.

Доколку претпоставиме дека покрај овие ензими, првата клетка би требало да има барем 250 протеини сочинети од само 150 амино киселини, веројатноста за случајното настанување на овие протеини би била:

Немам толкава фанатичка вера за да бидам атеист. Според овој пример и стотици други примери од природата кои откриваат фасцинантен интелигентен дизајн, многу e поразумно и понаучно да се верува дека сето тоа не било случајно настанато, туку плански и интелигентно создадено.

Набљудувајќи ги овие пресметки, познатиот британски астроном Фред Хојл заклучил:

Наместо да ја прифатиме извонредно малата веројатност дека животот настанал преку слепите сили на природата, изгледа дека би било подобро да претпоставиме дека потеклото на животот бил еден промислен интелектуален чин.^[1]

1. Sir Fred Hoyle, “The Universe: Past and Present Reflections”

 
Јоханес Кеплер

Основоположник е на современата астрономја; ги открил законите за
планетарните движења , познати како прв, втор и трет Кеплеров закон.
Бил противник на астрологијата и не верувал дека ѕвездите ги управуваат
животите на луѓето. На таа тема напишал и книга и ја објавил во 1601 год.
Луѓето што денес веруваат во астрологија треба да се поучат од Кепер.
Белки не се поголеми стручњаци од него!

Кеплер бил христијанин со цврсти убедувања, кои се темелеле врз неговото
лично познавање на Библијата. Бидејќи бил слободоумен и информиран
човек, се спротиставувал на клерот од официјалната црква, која во тоа
време вршела срамен лов на измислени вештерки, па и мајката на Кеплер
била судена за вештерство! Поради тоа што исклучиво се повикувал на
Светото Писмо, а не се повинувал на црковните догми за вештерство и
слично, често бил прогонуван и шиканиран.

Еве неколку изјави на Кеплер:
“Јас сум христијанин!”

“Сакав да станам теолог, но сега гледам дека преку моите трудови Бог
се прославува и во астрономијата, зашто …небесата ја искажуваат
Божјата слава, небото ги објавува Неговите дела” (овде Кеплер го
цитира библискиот Псалм 19, стих 1.)

“Бог е љубезен Створител, Кој од ништо ја создал целата природа.”

Многу повеќе за Кеплер може да се прочита во Encyclopedia Britannica,
како и во книгата на Ј.Х. Тинер: “Johannes Kepler – Giant of Faith and Science, Mott Media, Milford (Michigan) 1977, стр. 193

 
Роберт Бојл

Пионер на модерната хемија, физика, метерологија, и претседател на
здружението за дистрибуција на Светото Писмо. Роден во богато
аристократско семејство, но познат како многу скромен и дарежлив човек.
Извонредно талентиран и вреден, веќе на 8-годишна возраст ги владеел
грчкиот и латинскиот јазик, а подоцна научил и хебрејски и арамејски за да
може Стариот Завет од Библијата да го чита во оригинал.

Бојл бил многу образован научник и вршел голем број
лабораториски експерименти. Најпознат е по формулацијата на еден од
гасните закони во хемијата и физиката, сега познат како Бојл-Мариотов
закон, иако дал голем придонес и во метеорологијата, како и во хемијата на
киселини, бази и индикатори. Бојл се противел на утописката идеја на
алхемичарите од железото да направат злато и на употребата на магии и
астрологија во науката. Против овие шпекуланти, кои итро се богателе, тој
ја напишал својата книга ,,Скептичниот хемичар”, во 1661 година и си го
навлекол нивното непријателство.

Бојл силно ги нагласувал својата христијанска вера и верата во
Библијата. Во 1690 година ја издал книгата ,, Христијански виртуоз ” во која
порачува дека изучувањето на природата претставува должност на секој
христијанин. Во 1655 година издал книга со христијански поуки. Во секоја
поука, тој употребувал по некој пример од природата, а потоа го поврзувал
со определена христијанска објава. Бојл со свои пари финансирал печатење
и дистрибуција на Библијата не само во Велика Британија, туку и во
Индија, Турција и арапскита земји.

Познати христијански изјави на Бојл се:
,, Запознавајќи ги Неговите дела, ќе Го запознаеме Него ( Господ ). ”
,, верувам во Христовата смрт, воскресение и вознесение, како и во сите
Негови чудесни дела што ги извршил додека бил на Земјата, за да го увери
човештвото дека тој е и Бог и човек. “

 
Исак Њутн

Еден од најголемите, најгенијалните научници на сите времиња. Роден е
како недоносче во Англија, на Божик, во време на граѓанска војна, со мали
изгледи да преживее, а сепак поживеал 84 години. Мајка му останала
вдовица два месеци пред неговото раѓање. Со големи тешкотии бил
изгледан и школуван.

Њутн дал голем придонес во физиката со сега познатите Њутнови
закони, но исто така и во математиката и астрономијата. Најпознато научно
дело му е Принципија матхематица, а од христијанските книги што ги
напишал, познати му се “Белешките на пророштвата од Даниел”. Иако бил
длабоко побожен во христијанската вера, Њутн се спротивставил на
царскиот декрет во образованието и науката да се вплеткува и Црквата.
Конечно за него била направена отстапка да не мора да биде ракоположен
од Англиканската црква за да предава математика и наука на Кралскиот
колеџ. Иако морал постојано да се бори за признавање на своите научни
откритија, кога умрел, Њутн е погребан со големи почести во
Вестминстер Аби.

Познати христијански изјави на Њутн се следниве:
,, Сите мои откритија беа резултат на молитва. ”
,, Имам темелна вера во Библијата, која ја сметам за Божја реч,
напишана од луѓе што биле боговдахновени. Библијата ја проучувам
секојдневно. ”
,, Атеизмот е бесмислен. Набљудувајќи го Сончевиот систем, гледам
дека Земјата е поставена на оптимална оддалеченост од Сонцето, за
да добива соодветна количина топлина и светлина. Ова не се случило
случајно! “
Повеќе за Њутн има во во секоја научна или општа енциклопедија,
како и во книгите на англиски јазик :
(1) Ј. H. Tiner, Isaac Newton – Inventor, Scientist, and Teacher, Mott Media, Milford, Michigan, 1975.
(2) Ann Lemont: 21 Scientist who believed the Bible, Creation Science Foundation Ltd., 1995.

 
Леонардо Ојлер

Врвен математичар и активен христијанин. Роден во Базел, Швајцарија.
Татко му бил калвинистички проповедник,а и Ојлер сакал да стане
христијански проповедник. Сепак, охрабруван од генијалниот математичар
Бернули, Ојлер станал магистар по математика и природни науки на
17-годишна возраст. Подоцна со својата сопруга Катерина имал 13 деца, од
кои 8 умреле во детството. Ојлер многу ги сакал своите деца и често
работел со деца во прегратките.

Едно време бил професор во Санкт Петербург, но бидејќи одбил да
му направи хороскоп на принцот Иван ( како христијанин, Ојлер се
противел на астрологијата и верувањето во хороскопи ), паднал во
немилост кај царот и заминал на универзитетот во Берлин, каде што минал
24 плодни години. Иако веќе на 27-годишна возраст го загубил видот на
едното око, а на 60-годишна возраст сосема ослепел, потоа му изгорела
куќата, а тој бил спасен од својот верен домар, па кога имал 69 години му
умрела сопругата, Ојлер има објавено стотици научни трудови од областа
на математиката и внел генијални математички новини. Низ големите
трагедии го одржувала силната христијанска вера.

Повеќе за него има во книгата Men of the Mathematics, Simon & Schuster, New York, 1937, од авторот Е. Т. Bell.

 
Мајкл Фарадеј

Хемичар, но и пионер во истражувањата на електричеството, конструктор
на електричниот мотор, на генераторот, трансформаторот, волтаметарот,
електролизерот и др. Велечината ,,фарад” за електричен капацитет е така
именувана според неговото име. Како хемичар, го синтетизирал бензенот
( важно соединение за производство на бои, најлон и пластика ) и многу
други нешта.

Роден е на 22 септември, 1791 г. близу Лондон. Бидејќи биле сиромашни, не
можел да се школува. Работел во книговезница, па така читал многу книги
и научил многу. Почнал и да експериментира, особено во областа на
хемијата и електрицитетот.

Бил многу активен верник-христијанин. Всушност, повеќе од
20 години бил старешина (ѓакон) во една црква. Бидејќи црквата немала
платен свештеник (проповедник), старешините ги одржувале библиските
предавања, а меѓу нив најактивен бил токму Фарадеј. Кога еден новинар
го прашал какви му се претпоставките за задгробниот живот, Фарадеј му
одговорил : ,,претпоставки? Немам никакви претпоставки! Јас се потпирам
само врз сигурни работи, па ви велам : “Јас знам во Кого верувам и убеден
сум дека Тој ќе ми го запази она што сум Му го доверил. “ (Ова е цитат од
Библијата, 2. Тимотеј 1:12 ). При своето пензионирање, изјавил: ,, Најпрво
Му благодарам на Бог за сите Негови дарови. “

 
Луј Пастер

Ветеран областите на бактериологијата, пастеризацијата, вакцинацијата и
имунизацијата. Го формулирал и законот за биогенеза
(,,Животот настанува само од живот”) со кој јасно се спротивставил на
Дарвиновата теорија на еволуција. Роден е на 27 декември, 1882 г. во
источна Франција. Бил прво магистар, а потоа и доктор и професор по
хемиски науки.

Личниот живот на Пастер бил исполнет со трагедии и болести.
Три од неговите пет деца умреле од детски болести. Израснал со ментално
ретардирана сестричка. И самиот имал изливи ( крвавења ) во мозокот, а
доживеал и неколку срцеви удари од кои бил делумно парализиран.
Неговите откритија за пастеризација и имунизација би му донеле големо
богатство доколку се решил да ги патентира, но тој бесплатно им ги ставил
на располагање на сите корисници. Во 1888 година во негова чест е
формиран Пастеровиот институт во Франција, денес една од
најреномираните институции за борба против заразните болести.

Луј Пастер бил силен верник-христијанин и противник на теоријата
на еволуцијата и воопшто на идејата за спонатано настанување живот од
нежива материја.
Меѓу неговите изјави за вера во библискиот Господ се и следниве:
,, Колку што повеќе ја проучувам природата, толку повеќе Му се
восхитувам на делото на Створителот. ”
,, Науката ги доближува луѓето до Бог. “

 
Вилијам Томсон – Лорд Келвин

Еминентен физичар, заслужен за термодинамичките закони, за скалата на
келвинови степени и апсолутната нула, за првиот кабел под Атлантикот
и за многу други нешта. Роден е на 26 Јуни, 1824 г. во Белфаст, Ирска.
Останал без мајка на 6-годишна возраст. На 22 години станал професор
по природни науки ( главно физика ) на Универзитетот во Глазгов и на
таа позиција останал цели 53 години. Во текот на својот живот, добил 21
почесни докторати. Се смета за човек што ги формулирал Првиот и
Вториот закон на термодинамиката, кои се однесуваат на конзервацијата
на енергијата во вселената и на ентропијата. Обата закони се погубни за
концептот на Дарвиновата теорија за еволуција и постојано создавање.

Томсон има повеќе од 70 пронајдоци, кои му донеле и големо богатство.
Одликуван е и од кралицата Викторија, а се стекнал и со титулата лорд.
Погребан е во Вестминстер Аби ( Лондон ) покрај највеликите луѓе на
Велика Британија.
Томсон бил голем верник-христијанин. Еве и една негова позната изјава :

,, Околу нас има изобилство од докази дека се е создадено
интелигентно и со дизајн… атеизмот е толку бесмислена идеја
што немам зборови да го искажам тоа ! ”
,, Во врска со потеклото на животот, науката… цврсто потврдува
дека зад тоа стои сила на Творец. “

 
Џејмс Клерк Максвел

Научен гениј и посветен христијанин.
Роден е на 13 јуни, 1831 г. во Единбург, Шкотска, како единствено дете на
своите родители. Почетното образование го добил од мајка му, која била
голема христијанка. И самата се фасцинирала кога Џејмс на 7 години го
научил напамет најдолгиот псалм од Библијата, псалмот 119, кои има
176 стихови! За жал, мајка му починала веќе следната година.
Подоцна студирал на универзитетите во Единбург и на Кембриџ.
На 16 години имал објавено три научни трудови со многу математика
во нив. Го претскажал составот на Јупитеровите прстени, а тоа било
потврдено по 100 години преку вселенскиот брод војаџер. Неговите
откритија довеле до конструкцијата на радиото, телевизијата, радарите и
сателитите. Се смета дека Максвел е рамо до рамо со Њутн и Ајнштан.

Максвел силно се противел на дарвиновата теорија за еволуција,
Максвел презентирал еден труд во кој вели : ,, Никаква теорија на
еволуција не може да се формулира за да се објасни истоветноста на
молекулите на една иста материја, зашто еволуцијата подразбира
континуирани промени…..

Максвел успешно ја побил и ,, Небуларната хипотеза ” на
францускиот атеист Лапласт, математички докажувајќи ги грешките во
оваа хипотеза. Така била отфрлена хипотезата на Лапласт.

Максвел умрел од рак, на 48-годишна возраст, без деца, иако имал
среќен брак со Катерина Дјуар.
Максвел бил и ревносен христијанин. Учествувал во изградбата на
една христијанска црква во која потоа и самиот бил старешина ( ѓакон ).
Ги посетувал болните, им читал од Библијата и се молел за нив. Кога
неговата жена останала инвалид, ја гледал со многу посветеност. Никогаш
не се жалел, дури ни кога дознал дека боледува од смртоносен рак.

Во една од молитвите запишани во неговиот нотес, тој вели :
,, Семоќен Боже, Кој си го создал човекот според Твојот образец, и си го
направил жива душа, за да Те спознава и да управува со Твоите творби;
научи не да ги изучуваме делата на Твоите раце, за да ја потчиниме земјата
во наша полза, да си го изостриме умот во Твоја служба; да го примиме
Твоето благословено Слово, за да поверуваме во Оној што Ти го испрати
за да не запознае со спасението и простувањето на нашите гревови.
За сето ова Те молиме во името на истиот Исус Христос, нашиот Господ “.

А на неговиот погреб, еден од неговите колеги го рекол следново:
,, Ние, неговите колеги на колеџот, во него видовме умствена моќ,
голем капацитет и оригиналност, сплотени со длабока понизност што тој
ја искажуваше пред Бога, почитта спрема Божјата волја и верата во
љубовта и откупувањето преку божествениот Спасител, Кој му беше утеха
во тешкотиите и болестите .

 
Сер Амброз Флеминг

Електроинженер од Англија, роден на 29 ноември 1839 година. Прво од
седумте деца на конгрешански проповедник. Одличен познавач на
Библијата и активен христијанин. Противник на Дарвиновата теорија на
еволуција. Се образувал на Лондонскиот универзитет. Долго време собирал
пари, работејќи како учител, за да работи докторска дисертација.
Докторирал на природни науки на 30 -годишна возраст. Најмногу
истражувал на полето на електричеството и неговата примена.

Бил советник во Телефонската компанија на Едисон, како и во
Телеграфската компанија на Маркони, пронаоѓачот на радиото.
Станал прв професор по инженерство за електротехника на Лондонскиот
колеџ и бил многу популарен професор. Најзаслужен е за пронајдокот на
електронките ( вакуум диодите ), кои овозможиле револуционерна радио
комуникација. Флеминг е автор на повеќе од 100 научни трудови и книги,
повеќе патенти и почесни титули и одликувања.

Флеминг решително се спротивставувал на теоријата на еволуцијата
и бил претседател на Движењето против еволуцијата. Ова движење го
формирале британски научници, кои протестирале гледајќи дека
еволуционистите нечесно и нецелосно ги прикажуваат научните факти. Во
предговорот на својата книга ,, Потеклото на човекот од аспект на
откровение и истражување “, Флеминг пишува:
,, Каков и да е ефектот врз верските ставови на возрасните или врз
научниците што се наклонети кон теоријата на еволуцијата за потеклото
на човекот, неспорно е дека таа е погубна за етичкиот развој и духовниот
живот на младите и неуките, зашто ги наведува да веруваат дека луѓето
потекнуваат од мајмуни и дека шимпанзото и горилата му се најблиските
роднини на човекот…
Флеминг целиот свој живот бил верник во Библијата.
Меѓу другото, тој го изјавил и ова:
,, Има изобилство од докази дека Библијата, иако ја пишувале луѓе,
не е производ на човековиот ум. Безброј луѓе во сите времиња ја
почитувале Библијата како комуникација на Створителот на вселената
со нас.

 
Вернер фон Браун

Кога на 20 јули 1969 година првиот човек ( Нил Армстронг ) стапна на
Месечината, најголемото признание му беше оддадено на
Вернер фох Браун, конструкторот на ракетата Сатурн 5, која ги однесе
космунаутите на Месечината.

Вернер фон Браун е роден во Германија, на 23 март, 1912 година.
Татко му бил барон и успешен банкар, а мајка му била аматерски
вљубеник во астрономијата. Кога Вернер фон Браун бил примен како член
во лутеранската црква , мајка му му подарила телескоп, а со тоа му ја
вградила и љубовта спрема астрономијата.

Во основното образование, Ворнер бил слаб ученик, особено по
математика и физика. Но, откако прочитал една книга за можно
меѓупланетарно патување, фрустриран од тоа што не можел да ги
разбере математичките формули и пресметки, сериозно ги надополнил
своите слаби знаења и наскоро токму математиката и физиката му
станале јака страна. Дипломирал како машински инженер, а две години
подоцна докторирал на физика, кога имал 22 години.

Вернер фон Браун работел многу на конструкција на секаков вид
ракети, дури и за германската војска. Но, кога ракетите биле употребени
за бомбардирање на цивили, особено над Лондон, Вернер одбил да
соработува поради што бил затворен. Подоцна, при падот на Берлин, тој
и целиот тим проектанти на ракети со своите семејства ( над 5000 луѓе! )
им се предале на Американците. Вернер и 40 негови соработници станале
американски државјани во 1966 година. За жал, и во оваа земја Вернер
сфатил дека властите повеќе се заинтересирани за оружје отколку за
вселенски летови. Дури откако Русите го лансираа првиот вселенски
сателит ( Спутник 1 ), американската влада му дава зелено светло на
Вернер да започне вселенски истражувања. Така, во 1958 година е
формирана НАСА, а Вернер станува директор за вселенски летови.
Оттогаш, речиси сите вселенски летови на Американците се до 1972 година
се негово дело, вклучувајки ги сериите летови ,,Џемини”, ,,Меркури” и
,,Аполо”.

Вернер фон Браун често бил критикуван дека овозможил
производство на убиствени оружја. Неговиот одговор бил дека научниците
развиваат технологија, а моралната одговорност за тоа како и за што ќе
биде употребена таа технологија е на страната на оние што ќе ја
злоупотребат.
Вернер бил сериозен човек – христијанин ( лутеран ).
Библијата ја сметал за ,, Откровение на Божјата природа и љубов “ .
Тој бил противник на теоријата на еволуцијата и изјавил:

,, Има луѓе што тврдат дека вселената еволуирала преку случајни процеси;
но какви случајни процеси можат да произведат човечки мозок или
човечко око!? “

Тој, исто така, изјавил : ,, Не можам да ги разберам научниците
коишто не признаваат дека зад постанокот на вселената стои еден
супериорен ум “

,, Вселенските летови со луѓе се чудесно достигнување, но досега
отвориле само едно мало прозорче, за да ѕирнеме во зачудувачките
димензии на просторот. Овој поглед… треба само да ни ја зацврсти верата во
недвосмисленото постоење на Творецот .

Има и други научници кои што цврсто верувале во Библијата и нејзините објави и не гледале никаков конфликт меѓу таквата вера и научните сознанија. Меѓу нив се и следниве:
 
Грегор Мендел – таткото на генетиката;

Браќата Вилбур и Орвил Рајт – конструктори на првите авиони;

Франсис Бекон – татко на “научниот метод” и на експерименталните науки.
Една од неговите изјави е: “Пред нас имаме две книги за проучување, за да
не западнеме во грешки: Светото Писмо, каде што Бог ни ја открива својата
Воља и “Книгата на Божјите созданија”, кои се израз на Неговата моќ”.

Блејз Паскал – математичар, физичар и пионер-инжинер по хидростатика и
хидромеханика. “Христијанинот не може да биде губитник; ако нема Господ,
не губи ништо, а живеел посреќно од неверниците; ако има Господ, ќе добие
многу, а неверникот ќе изгуби се!”

Исак Бароу – професор по математика на Кембриџ, учител на Исак Њутн.
Ја напуштил брилјантната кариера за да се посвети на проповедање на
христијанството.

Готфрид Лајбниц – математичар и филозоф, современик на Њутн. Покрај
научни книги, напишал и книга за одбрана на Светото Божјо тројство.
Познат и по обидите да дефинира заедничка теологија што одново ќе ги
обедини Католичката и Протестантската црква, а подоцна и Лутеранската
и Реформираната црква.

Џон Далтон – хемичар и татко на атомската теорија. Многу побожен
христијанин, припадник на квекерите. (Квекерите се христијанска групација
што се нарекува и “Друштво на пријатели”. Не признаваат официјални
свештеници, одбиваат да даваат заклетви, да одат во војска…)

Самуел Морзе – изумител на телеграфот. Позната е неговата прва порака
упатена по телеграф: “Види што направи Бог!” (цитат од Библијата,
4 Мојсеева 23:23)

Томас Андерсн – брилјантен шкотски хемичар; го открил пиридинот и други
органски бази. Потписник е на “Декларацијата на научниците” од 1864г.
во која се укорува Дарвиновата теорија за еволуција и се изразува вера во
Библијата и во христијанската објава. Оваа декларација ја потпишале
717 врвни научници

Вилијам Рамзеј – хемичар и евангелски христијанин, откривач на аргонот и
на другите благородни гасови, научник од областа на радиоактивноста и
пионер во трансмутацијата на елементите. Неговите трудови довеле до
откритие на изотопите, од страна на неговиот ученик Соди.

Овој текст е превземен од книгата „21 НАУЧНИК кои верувале во Библијата“ од Ен Лемонт, во издание на книжарница „Откровение“.

2. Теоријата дека поттекнуваме од некакви си човеколики мајмуни и имаме заеднички предок со шимпанзото е само дел од фантазијата на Дарвин. Никогаш не била докажана, ниту потврдена со некаков научен доказ. Фосилните алки што недостасуваат всушност недостасуваат меѓу сите животински видови, а не само меѓу човекот и шимпанзото. Ова го признаваат многу едуцирани еволуционисти, дури и д-р Стивен Џеј Гоулд (1967-2002) кој бил претседател на палеонтолошкото друштво и друштвото за проучување на еволуцијата во САД и член на националната академија на науките, значи еден од најголемите авторитети во областа на Дарвинизмот.

3. Многу е поразумно и понаучно да се претпостави дека интелигентниот дизајн и високата, нередуцирачка и зависна комплексност што постојат во човековото тело на органско и клеточно ниво се плански создадени од некое супериорно интелигентно битие (Бог), отколку да се претпостави дека сето ова случајно настанало под водство на слепите сили на природата.

4. Информациите што ги содржат ДНК молекулите на 46-те хромозоми кај човекот (3.2 милијарди букви) се еквивалентни на една библиотека од 5800 книги. Ако овие 3.2 милијарди букви ги напишете како една непрекината реченица, таа ќе се протега од северниот пол до екваторот. (1 буква = 3мм)
Ако некој дактилограф, кој просечно куца по 300 букви во минута, се нафати да ја напише оваа реченица куцајќи по 8 часа дневно (без паузи) и 220 работни денови годишно, ќе му бидат потребни 95 години за да ја искуца целата оваа огромна реченица одговорна за секој детал од вашето тело. Што вели вашиот разум? Случајно или создадено?
Д-р Франсис Колинс, кој бил директор на националниот институт за истражување на човечкиот геном и е заслужен за неговото декодирање, многу добро го знаел ова и затоа и бил христијанин.

5. Сите приговори што доаѓаат за оваа сторија најчесто се од неинформирани приговарачи кои немаат доволно ни библиски, ни научни познавања. Нивните приговори ќе ги наведам во наредните точки со кратко образложение.

6. Адам и Ева имале само 2 сина: Каин и Авел. Од каде нашле тие жени? Не е точно. Во Библијата (Битие 5:4) пишува дека на Адам и Ева им се изнародија уште синови и ќерки.

7. Дали според ова човештвото на почетокот се размножувало со инцест?
Инцесот не бил присутен на почетокот затоа што проблемот на инцесот (генетски пореметувања кај деца од блиски роднини) е резултат на поклопување на мутирани инфериорни гени кај блиските роднини. Веројатноста за поклопување на мутирани гени кај далечни роднини е драстично помала. Но Адам и Ева биле создадени телесно совршени, без мутирани гени и затоа инцест проблемот не постоел на почетокот. Генетската совршеност на Адам и Ева ја гледаме и во нивната долговечност.
Од друга страна, инцестот е забележан кај животните, а особено кај шимпанзата^[1] кои според Дарвин се наши далечни братучеди. Така што инцест проблемот не се избегнува ако некој одлучи да верува повеќе на Дарвиновата приказна, со таа разлика што Библијата има објаснување зошто инцестот не бил проблем во почетокот на човештвото.

8. Зарем не е понижувачки што Бог ја создал Ева од реброто на Адам?
Бог можел да ги создаде Адам и Ева од што било, дури и само со својот збор – како што го создал целиот Универзум. Причината заради која Бог ја создал жената од дел од телесната материја на мажот е за да го концептуира нивното единство, за да постои еден телесен копнеж и привлечност меѓу нив и за да при бракот тие повторно се соединат во „едно тело“ – што е всушност библиската дефиниција за бракот.

9. Најверодостојните историски извештаи за Исусовиот живот и учење покажуваат дека Исус Христос воопшто не гледал на Адам и Ева како на мит, туку како на реални личности и реална сторија.

1. http://www.livescience.com/2226-incest-taboo-nature.html

Краток одговор:
Дали според ова човештвото на почетокот се размножувало со инцест?
Инцестот не бил присутен на почетокот затоа што проблемот на инцестот, генетски пореметувања кај деца од блиски роднини, е резултат на поклопување на мутирани инфериорни гени кај деца од блиски роднини. Веројатноста за поклопување на мутирани гени кај деца од далечни роднини е драстично помала затоа што гените им се доволно различни. Но брат и сестра имаат прилично исти гени и веројатноста дека кај нивните деца ќе се поклопат и мутираните гени е голема. Но Адам и Ева биле создадени телесно совршени, без мутирани гени и затоа инцест проблемот не постоел на почетокот. Генетската совршеност на Адам и Ева ја гледаме и во нивната долговечност.
Од друга страна, инцестот е забележан кај животните, а особено кај шимпанзата кои според Дарвин се наши далечни братучеди. Така што инцест проблемот не се избегнува ако некој одлучи да верува повеќе на Дарвиновата приказна, со таа разлика што Библијата има објаснување зошто инцестот не бил проблем во почетокот на човештвото.

Денес не е дозволено, со закон, стапување во брак на брат или сестра (и на полубрат и полусестра итн. до трето колено), бидејќи постои недозволено висок ризик нивните деца да се родат со деформитети. Тоа се нарекува инцест.
Постои многу оправдана и лесно разбирлива генетска прична за таквиот закон. Секој човек има две групи на гени, со приближно 130000 парови кои ја одредуваат неговата градба и функција. Секој човек наследува по еден ген за секој пар од родителите. За жал, гените денес содржат многу грешки (поради падот во гревот на човекот) и овие генетски грешки резултираат со најразлични аномајлии (деформитети) кај луѓето.

Колку родителите се подалечни роднини, поверојатно е дека децата ќе имаат различни грешки во своите гени. Тие наследувајќи по една група гени од секој родител, веројатно ќе имаат по еден пар гени што ќе содржат најмногу по еден неправилен ген во секој пар. Немутираниот (доминантен) ген во парот има тенденција да го потисне или надомести мутираниот (рецесивен) ген така што деформитетот нема да се појави. Меѓутоа, доколку брачните сопружници се поблиски роднини, многу поверојатно е дека тие ќе имаат слични грешки во своите гени бидејќи се наследени од исти родители. И кога два мутирани гени ќе се поклопат, нема кој да ја надомести грешката и затоа ќе се појави деформитет. Ете тоа е накратко проблемот со инцестот.

Но, Адам и Ева немале акумулирано генетски грешки. Кога биле создадени првите две човечки битија, тие биле физички совршени. Се што создал Бог било “многу добро” (Битие 1:31, Библијата), така што нивните гени биле совршени – без мутации, без деформитети т.е. без грешки. Но кога гревот навлегол во светот, совршеното создание почнало да се деформира, односно да страда со деформирање, болести, стареење, умирање и распаѓање.
Во таква ситуација, браќа и сестри можеле да стапуваат во заедница со Божјо одобрение, без каква и да е потенцијална можност за создавање на деформирани потомци. Адам и Ева, бидејќи имале речиси совршена генетска структура, многу споро старееле и затоа живееле околу 900 години. За Адам пишува дека живеел точно 930 години. Во текот на овој долг живот, тие имале многу синови и ќерки (Битие 5:4, Библијата), така што Каин си земал за жена една од нив. Ако нашите баби и дедовци имале по 8-9 деца за 50тина години брак, можете да замислите колку деца имале првите генерации луѓе што живееле по 800-900 години. Тоа значи дека за време од само 4-5 генерации, тие веќе биле премногу, раселени по различни области и веќе немало потреба да се земаат брат со сестра или братучетка. Во времето на Мојсеј, дегенеративните грешки се акумулирале во таков обем што се јавила потреба Бог да ја забрани брачната заедница меѓу поблиски роднини (Левит 18:6-18, Библијата)

Од друга страна, инцестот е забележан кај животните, а особено кај шимпанзата кои според Дарвин се наши далечни братучеди. Така што инцест проблемот не се избегнува ако некој одлучи да верува повеќе на Дарвиновата приказна, со таа разлика што Библијата има објаснување зошто инцестот не бил проблем во почетокот на човештвото.

Исто така тука е добро да се спомне дека според поновите научни сознанија во генетиката е откриено дека сите луѓе на планетава поттекнуваат од една жена ткн. „Митохондриска Ева“^[2]. Ова е докажано преку митохондриската ДНК која непрекинато се пренесува само од мајката без рекомбинирање. Земени се многу испитаници од сите континенти и покажано е дека сите ја имаат истата митохондриска ДНК со што се докажа дека сите луѓе поттекнуваат од една иста мајка.
На сличен начин, преку Y хромозомот на мажот (кој се пренесува само од татко на син), е покажано дека сите мажи на светов поттекнуваат од еден маж ткн. „Y-хромозомски Адам“ ^[3]
Еве едно кратко видео за ова од National Geographic.

1. http://www.livescience.com/2226-incest-taboo-nature.html
2. https://en.wikipedia.org/wiki/Mitochondrial_Eve
3. https://en.wikipedia.org/wiki/Y-chromosomal_Adam